ԱՄն-ում հիմա տեղի ունեցող իրադարձությունները համարում եմ հակառուսական հիստերիա՝ նախագահական ընտրություններին ռուսական հնարավոր միջամտության թեմայի շուրջ։ Այս մասին հայտնել է Ռուսաստանի նախագահ Վլադիմիր Պուտինը ՝ Ֆինլանդիայի նախագահի հետ բանակցությունների արդյունքներով, հայտնում է ՌԻԱ Նովոստին։
«Ես չեմ համարում, որ դա հետաքննություն է, քանի որ հետաքննությունը ենթադրում է բոլոր հանգամանքների ամբողջականության պարզում, հաշվի առնելով պատճառները, լսելով տարբեր կողմերին։ Մենք տեսնում ենք պարզապես հակառուսական հիստերիայի աճ։ Ամենայն հավանականւթյամբ, դա ռուսատյացական գործիքների գործածում է ներքաղաքական պայքարում, տվյալ դեպքում ԱՄՆ նախագահի ու ԱՄՆ ներսում նրա քաղաքական հակառակորդների պայքարում»,- ասել է Պուտինը։
ԱՄՆ կոնգրեսում հիմա անկախ հետաքննություն է իրականացվում ԱՄՆ ընտրություններին Ռուսաստանի ենթադրյալ միջամտության կապակցությամբ։ Նույնատիպ հետաքննություն էլ ՀԴԲ-ն է վարում։Ամերիկյան լրատվամիջոցներում կանոնավոր հայտնվում են հաղորդագրություններ, որպես կանոն, անանուն աղբյուրներ վկայակոչելով , Թրամփի նախընտրական շտաբի անդամների ու ռուս չինովնիկների ու գործարարների շփումների մասին։