Ստամբուլում ջրհեղեղի եւ ուժգին քամու հետեւանքով տուժածների թիվը հասել է 10 մարդու, որոնցից երկուսի վիճակը ծանր է, հինգշաբթի հայտնել է Milliyet պարբերականը:
NTV-ն հայտնել է, որ Բոսֆորի թունելը սահմանափակումներով է գործում: Ստամբուլի Աթաթյուրքի եւ Սաբիհ Գյոքչենի օդանավակայանները նույնպես ընդհատումներով են գործում, 15 օդանավ վայրէջք կատարել չեն կարողացել վատ եղանակի պատճառով եւ ուղղվել են պահեստային օդանավակայաններ:
Ուժգին քամին 200 ծառ է տապալել, 88 տանիք քշել, վայր են ընկել 5 ամբարձիչներ, կտրվել են տրամվայի գծեր:
Օդերեւութաբանները զգուշացնում են առաջիկա ժամերին տեղատարափ անձրեւների եւ քամու ուժգնացման մասին: