Լիբանանում ՀՀ դեսպան Սամվել Մկրտչյանը հանդիպեց Լիբանանի սոցիալական հարցերի նախարար Պիեռ Բուասսիի հետ:
ԱԳՆ-ից NEWS.am-ին հայտնում են, որ հանդիպման ընթացքում նախարար Բուասսին ներկայացրեց Լիբանանի սոցիալական ոլորտի խնդիրները, դրանց լուծման ուղղությամբ իրականացվող քաղաքականությունը:
Դեսպան Մկրտչյանն իր հերթին զրուցակցին տեղեկացրեց ՀՀ կառավարության կողմից իրականացվող բարեփոխումների եւ ակնկալվող արդյունքների մասին, անդրադարձ կատարվեց Լիբանանի եւ Հայաստանի ներքաղաքական կյանքում տեղի ունեցած վերջին զարգացումներին ու ընտրական գործընթացներին:
Կողմերը նպատակահարմար համարեցին փոխադարձաբար ուսումնասիրել երկու երկրների սոցիալական ոլորտներում արձանագրված հաջողություններն ու դրանց հիման վրա մշակել եւ իրագործել համատեղ ծրագրեր: