«Իսլամական պետության արեւմտաաֆրիկյան նահանգ» ահաբեկչական խմբավորման գրոհայիները, որը հայտնի է «Բոքո հարամ» անվամբ, Նիգերիայի Բորնո նահանգում ավելի քան 50 նավթ արդյունահանող բանվորի են սպանել։ Այս մասին հաղորդում է Lenta-ն՝ վկայակոչելով BFMTV-ն։
«Ահաբեկիչները դարանից հարձակվել են «Նիգերիայի ազգային նավթային ընկերության» (NNPC) հետազոտական արշավախմբի անդամների վրա։ Այժմ մեզ մոտ 50 զոհ կա, սակայն մարմինները շարունակում են բերել»,-հայտարարել է երկրի պաշտպանության նախարարության մամուլի քարտուղար Սանի Ուսմանը։
Հուլիսի 12-ին Նիգերիայի Բորնո նահանգի մայրաքաղաքում՝ Մայդուգուրիում, տեղի ունեցած 4 պայթյունների հետեւանքով 17 մարդ է զոհվել, եւս 21-ը վիրավորվել է։
