Rolls-Royce ընկերությունը ներկայացրել է հաջորդ սերնդի Phantom ֆլագմանական սեդանը։ Մոդելն արտաքինից արմատապես փոփոխության չի ենթարկվել, սակայն փոխել է BMW-ի հարթակը նոր ալյումինե շասիի հետ։ Ավելի ուշ այս նույն ճարտարապետութունը կհայտնվի նաեւ ապրանքանիշի մյուս մոդելների վրա, ներառյալ՝ Cullinan ինքնագնացը, փոխանցում է Motor-ը։
Դիզայնի առումով նոր «Ֆանտոմ»-ն աչքի է ընկնում լազերային լուսարձակներով։ «Էքստազի ոգին» արձանիկը տեղադրված է նախկինից կես սանտիմետր ավելի վեր։
«Ֆանտոմ»-ն ունի ալյումինե թափք եւ ալյումինե շասի։ Թափքի կոշտութունը նախորդի համեմատ ավելացել է 30 տոկոսով։ Մոդելն ունի նաեւ ամբողջությամբ կառավարվող շասի։
Նոր «Ռոլս-Ռոյս»-ին հավելել են 130 կգ լրացուցիչ ձայնամեկուսիչ։ Դրա հաշվին սրահում 100 կմ/ժ արագության դեպքում շուրջ 10 տոկոսով ավելի լուռ է։ Աղմուկը նվազեցնելուն օգնում են նաեւ նոր անվադողերը։
