FOX 4 News-ի հաղորդավարուհի Շենոն Մյուրեյը վարել է ուղիղ եթերը՝ հսկայական սարդն ուսին։ Տեսագրությունը հրապարակվել է հեռուստաալիքի Facebook-յան էջում։

Տեսագրությունում, որը երկու օրում ավելի քան 335 հազար դիտում է հավաքել, Մյուրեյը վարում է եթերը՝ առանց ուշադրություն դարձնելու իր ձեռքի վրա հայտնված սարդին։ Մեկնաբանություններում հեռուստադիտողները հիացել են հաղորդավարուհու զսպվածությամբ։ 

Լրագրողի խոսքով՝ ինքը նույնիսկ գլխի չի ընկել սարդի ներկայության մասին։ «Նրանց համար, ում հետաքրքիր է։ Այո, ես զգում էի նրան։ Բայց ես չէի էլ կարող պատկերացնել, որ դա սարդ է»,- Facebook-ում գրել է նա։