Հայաստանի ԱԻՆ-ում, այսօր՝ հուլիսի 28-ին, ժամը 13:03-ին ահազանգ է ստացվել, որ Սեւան-Վարդենիս ավտոճանապարհի 7-րդ կմ-ին տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «Mercedes C 180» մակնիշի 35 GQ 232 պետհամարանիշի ավտոմեքենան (վարորդ՝ 48-ամյա Լեւոն Ս.), դուրս է եկել ճանապարհի երթեւեկելի հատվածից եւ մի քանի պտույտ անելով մոտ 10 մ գլորվել է մոտակա ձորը:
Ինչի հետեւանքով վարորդ՝ Լ. Ս.-ն եւ ուղեւոր՝ 58-ամյա Ս. Ս.-ն ստացել են տարբեր աստիճանի մարմնական վնասվածքներ եւ հոսպիտալացվել Սեւանի ԲԿ, որտեղ բժիշկները տուժածների առողջական վիճակը գնահատել են բավարար:
Փրկարարները հոսանքազրկել են ավտոմեքենան եւ փակել գազի բալոնի փականը: