Ռումինիայի իշխանությունները թույլ չեն տվել ուղեւորատար ինքնաթիռին հատել իրենց օդային տարածքը։ Օդանավում է եղել նաեւ ՌԴ փոխվարչապետ Դմիտրի Ռոգոզինը, որը Մոլդովայի մայրաքաղաք Քիշնեւ էր մեկնում։ Այս մասին «ՌԻԱ Նովոստի»-ին հայտնել է Մոլդովայում Ռուսաստանի դեսպան Ֆարիտ Մուհամեթշինը։
«Ռումինական իշխանությունները ուղեւորատար ինքնաթիռին թույլ չեն տվել հատել Ռումինիայի օդային տարածքը, որտեղ որպես ուղեւոր գտնվել է նաեւ Ռուսաստանի փոխվարչապետ Դմիտրի Ռոգոզինը։ Ինքնաթիռը Քիշնեւ էր թռչում»,-ասել է նա։
Ինքնաթիռը հետ է գնացել։ Մուհամեթշինի խոսքով՝ ռուսական իշխանությունները կորոշեն դրա վայրէջք կատարելու վայրը։