Հուլիսի 27-ին, ժամը 20.50-ին, 1997 թ. ծնված Նատալի Յ.-ն ոստիկանության Մաշտոցի բաժնում հաղորդում է տվել, որ թիվ 26 երթուղու ավտոբուսի սրահում իր պայուսակից գողացել են դրամապանակը, որի մեջ եղել է գումար, նույնականացման, ուսանողական եւ բանկային քարտեր:
Ոստիկանության մամուլի ծառայությունից NEWS.am-ին հայտնում են, որ ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողները ժամը 21-ին Երեւանի Լենինգրադյան փողոցի թիվ 2 շենքի մոտից, գողությունը կատարելու կասկածանքով, բերման են ենթարկել 29-ամյա Գոռ Պ.-ին, որը տվել է խոստովանական բացատրություն:
Գողոնն առգրավված է:
Կատարվում է հետաքննություն:
