Տղամարդկանցից ու կանանցից բացի Հայաստանում թրաֆիքինգի զոհեր էին դառնում նաեւ անչափահաս երեխաներ։ Այս մասին հուլիսի 28-ին լրագրողների հետ հանդիպման ժամանակ ասել է Աշխատանքի ու սոցիալական հարցերի նախարարության ընտանիքի, կանանց ու երեխաների հարցերով վարչության կանանց խնդիրներով բաժնի գլխավոր մասնագետ Էլեոնորա Վիրաբյանը։

Նրա խոսքով, մարդիկ հիմնականում, աշխատանք փնտրելով, ստիպված էին վստահել հարեւաններին ու ազգականներին, որոնք գրավիչ աշխատանք էին առաջարկում թե հայրենիքում, թե արտասահմանում։

«2016-ին այդ միջադեպերի հիման վրա հարուցվել է 10 քրեական գործ, իսկ 2017-ին ընդամենը 7, որոնցից 4-ը աշխատանքային թրաֆիքինգի դեպքեր էին, իսկ 3-ը՝ սեռական»,- պարզաբանել է Վիրաբյանը։