Մոսուլում իրաքցի զինվորականների կողմից ձերբակալված ԻՊ խմբավորման գերմանուհի կողմնակիցները աշխատում էին տեղի «բարքերի ոստիկանությունում»։ Այս մասին հուլիսի 28-ին գրել է Der Spiegel-ը՝ վկայակոչելով հատուկ ծառայությունների տվյալները։
«Բարքերի ոստիկանության» խնդիրն է հսկել ԻՊ-ի դրես կոդի պահպանմանը՝ կանայք, որոնք չափից թեթեւամիտ էինն հագնված կամ էլ կոսմետիկա էին գործածում, պատժվում են ճիպոտների հարվածներով։ Բացի դրանից չորս գերմանուհիներից երկուսը ակտիվ զբաղվում էին ԻՊ-ի համացանցային քարոզչությամբ ու հնարավոր է նոր զինյալներ էին հավաքագրում։
Ձերբակալված ջիհադուհիներից մեկը ծնունդով Չեչնիայից էր, բնակության վայրով՝ Դետմոլդից, մյուսը՝ 16-ամյա Լինդան՝ Սաքսոնիայից էր։ Նրանց հետ միասին գերեվարվել են Մանգեյմում բնակվող մարոկացին ու նրա մեծահասակ դուստրը։ Հիմա նրանք կալանավորված են Բաղդադում, որտեղ Գերմանիայի ԱԳՆ-ի տվյալներով, նրանց արդեն այցելել են դեսպանատան աշխատակիցները։
Իրաքի գերատեսչությունների տվյալներով, գերեվարված գերմանուհիներից ոչ մեկին մահապատիժ չի սպառնում։ Նրանք չեն մասնակցել ռազմական գործողություններին ու չեն մեղադրվում սպանություններում։