Արագածոտնի մարզի Շամիրամ գյուղում այսօր՝ օգոստոսի 1–ին, տեղի ունեցած սպանության հետեւանքով զոհված չորս քաղաքացուց երեքը ազգականներ են։ Շամիրամի համայնքապետ Մրազ Բրոյանը NEWS.am-ի հետ զրույցում հայտնել է. որ Զորո Օզմանյանը եւ Ամրո Օզմանյանը հորեղբոր որդիներ են։ Վերջիններիս ազգականն է Աղասի Քալոյանը։
Հիշեցնենք,որ այսօր Շամիրամ գյուղում անհայտ անձը ներս է խուժել գերեզմանատան մոտ գտնվող սգո սրահում եւ «Սայգա» տեսակի, օրինական գրանցված որսորդական հրացանով կրակոցներ արձակել, որի հետեւանքով զոհվել են չորս հոգի, վիրավորվել յոթ հոգի։ Սպանության մեջ կասկածողի ինքնությունը հայտնի է, նրան որոնում են։ Ավելի վաղ գրել էինք, որ նախնական վարկածով՝ կասկածյալը պարտք ու պահանջի խնդիր է ունեցել։ Պահանջել է պարտքերը չի ստացել, ինչից հետո նման քայլի է դիմել։