Արագածոտնի մարզի եզդիաբնակ Շամիրամ գյուղում այսօր՝ օգոստոսի 1-ին, սգո սրահում կրակոցներ արձակելու կասկածանքով հետախուզվում է Արմավիրի մարզի 50-ամյա բնակիչ Թելման Քալաշյանը:
Shamshyan.com-ի փոխանցմամբ, նրա նկատմամաբ հետախուզում է հայտարարվել:
Արագածոտնի մարզում ողբերգական դեպք է տեղի ունեցել: Եզդիաբնակ Շամիրամ գյուղում անհայտ անձը մտել է գերեզմանատան մոտ գտնվող սգո սրահ եւ կրակ բացել այնտեղ գտնվող տղամարդկանց ուղղությամբ: Միջադեպի հետեւանքով 3 մարդ տեղում զոհվել է, 8-ը՝ վիրավորվել: Տուժածներին հիվանդանոց են տեղափոխել: Ավելի ուշ նրանցից մեկը վիրահատության ժամանակ մահացել է: Մյուս վիրավորները տարբեր ծանրության հրազենային վնասվածքներ ունեն:
Շամիրամի գյուղապետը նշել է սպանվածների անունները. նրանք են Ամո Խուդոյանը, Զորո Օզմանյանը, Ամրո Օզմանյանը եւ Աղասի Քալոյանը: Սպանվածներից երկուսը Շամիրամի բնակիչներ են եղել, մյուս երկուսը եկել էին Ռուսաստանի Դաշնությունից: Զորո եւ Ամրո Օզմանյանները հորեղբոր որդիներ էին, նրանց ազգական էր նաեւ Աղասի Քալոյանը։
