Իրանի դեմ ԱՄՆ նոր պատժամիջոցները խախտում են իրանական միջուկային ծրագրի շուրջ համաձայնագիրը, որը ստորագրվել է Թեհրանի ու «վեցյակի» երկրների միջեւ 2015-ին։ Այս մասին հայտնել է Իրանի ԱԳ նախարար Մոհամադ Ջավադ Զարիֆը Ստամբուլում, փոխանցում է Tasnim-ը։
Նրա խոսքով ԱՄՆ-ն մտադիր է հրաժարվել համաձայնագրից, ու Թեհրանի նկատմամբ Վաշինգտոնի թշնամանքը քննարկվել է համաձայնագրի իրականացման հարցերով համատեղ հանձնաժողովի վերջին նիստի ժամանակ։ Նա նշել է, որ Իրանը մի կողմից ձեռնարկում է իրավական միջոցառումներ՝ ՄԾ մասին համաձայնագիրը խախտելու՝ ԱՄՆ-ի փորձերի դեմ, մյուս կողմից էլ այդ հարցը բարձրացնում է միջազգային շրջանակներում։ Նա հայտնել է որ Իրանի ԱԳՆ-ն ու Ատոմային էներգիայի հարցերով կազմակերպությունը սկսել են քայլեր ձեռնարկել ԱՄՆ թշնամական քայլերի դեմ։
Հիշեցնենք, որ ԱՄՆ կոնգրեսը հաստատել է Իրանի, Ռուսաստանի ու Հյուսիսային Կորեայի դեմ նոր պատժամիջոցների մասին օրինագիծը։ Օրինագիծը պետք է ստորագրի նախագահ Դոնալդ Թրամփը։
