Երեւանի Նոր Նորք եւ Ավան վարչական շրջանների ընդհանուր իրավասության դատարանում այսօր՝ օգոստոսի 2-ին «Սասնա ծռեր» զինված խմբի 14 անդամների պաշտպանները միջնորդել են, որ նիստին ներկայանան ամբաստանյալները։ Դատավոր Արտուշ Գաբրիելյանը մերժեց միջնորդությունը։
Դատավորի մերժումից հետո պաշտպանները լքեցին նիստը՝ հայտարարելով, որ առանց պաշտպանյալների մասնակցելը հակասում է իրենց պաշտպանյալների շահերին:
Հիշեցնենք, որ նախորդ նիստի ժամանակ ամբաստանյալ Պավել Մանուկյանը արգելեց պաշտպանին իր բացակայության ժամանակ ներկա գտնվել նիստին:
Նշենք, որ այսօր Արտուշ Գաբրիելյանը առաջարկեց 15 աշխատանքային օր արձակուրդ գնալ, ինչին ընդդիմացան պաշտպանները:
