Հակառուսական պատժամիջոցների մասին օրինագծի ստորագրումը ԱՄՆ նախագահ Դոնալդ Թրամփի կողմից դե ֆակտո ոչինչ չի փոխում, հայտնել է Կրեմլի պաշտոնական ներկայացուցիչ Դմիտրի Պեսկովը, փոխանցում է ՌԻԱ Նովոստին։
«Սա նորություն չէ։ Բանն այն է, որ ընդունվել է օրինագիծ ու նախագահի ստորագրությամբ թե առանց դրա՝ այն միեւնույն է ինքնաբերաբար օրենք կդառնար»,- ասել է Պեսկովը։
Նա նաեւ հիշեցրել է, որ Մոսկվան արդեն ձեռնարկել է պատասխան քայլեր՝ Վաշինգտոնի գործողությունների կապակցությամբ։
Ավելի վաղ, Դոնալդ Թրամփը ստորագրել էր Ռուսաստանի, Իրանի ու Հյուսիսային Կորեայի դեմ նոր պատժամիջոցների մասին Կոնգրեսի կողմից ընդունված օրինագիծը։ Փաստաթղթով, մասնավորապես, ներդրվում են սահմանափակումներ ընկերությունների համար՝ այդ թվում նավթագազային ոլորտում։
