Երեւանի Դավիթաշեն համայնքում օգոստոսի 2–ին տեղի ունեցած պայթյունի հետեւանքով տուժած 20-ամյա երիտասարդի վիճակը ծայրահեղ ծանր է: Այս մասին NEWS.am-ին հայտնեցին «Արմենիա» բժշկական կենտրոնից:

20-ամյա Ա.Ե.-ի գիտակցություն չունի, միացված է արհեստական շնչառության ապարատին:

Հիշեցնենք, որ պայթյունի հետեւանքով երկու երիտասարդ էր վնասվածքներ ստացել: Նրանցից մեկը՝ 32-ամյա Ն.Ե.-ն, հիվանդանոց տեղափոխվելուց ժամեր անց մահացել էր:

Ավելի վաղ NEWS.am-ը հայտնել էր, որ նախնական տեղեկություններով՝ Ռ. Մ.-ին պատկանող թիվ 56/2 տան բակում երիտասարդները փորձել էին արկի գլխիկ սղոցել, ինչի հետեւանքով պայթյուն էր տեղի ունեցել։