Հոկտեմբեր-նոյեմբերին առողջապահության նախարարությունը ցանկանում է ծխելու դեմ նոր օրինագծեր ներկայացնել: Օգոստոսի 3-ին կայացած ՀՀ կառավարության նիստից հետո լրագրողների հետ զրույցում այս մասին հայտարարեց առողջապահության նախարար Լեւոն Ալթունյանը:

Նրա խոսքով՝ օրինագծերը կընդունվեն որպես ծխելու դեմ պայքարի 2017-2020 թվականների ռազմավարության մաս եւ կուժեղացնեն հասարակության առողջության պաշտպանությանն ու ծխախոտի անվերահսկելի իրացման դեմ ուղղված միջոցառումները: Ռազմավարության նպատակն է 3-5%-ով կրճատել ծխողների թիվը: