Թուրքիայի «Հայրենիք» կուսակցության տխրահռչակ նախագահ Դողու Փերինչեքի տեղակալ Բեդրի Գյուլթեքինը խոսել է Փերինչեքի հետագա ծրագրերի մասին։

Թուրքական Diken պարբերականի փոխանցմամբ՝ «Հայրենիք» կուսակցության փոխնախագահ Բեդրի Գյուլթեքինը մի հեռուստահաղորդման ժամանակ հայտարարել է, թե 2019–ի նախագահական ընտրություններում իրենց կուսակցության նախագահ Դողու Փերինչեքն առաջադրվելու է նախագահի թեկնածու։

Նա նշել է, թե նախորդ ընտրություններին մասնակցել է ընտրողների 73 տոկոսը, որոնց 52 տոկոսն էլ ընտրել է Էրդողանին։ Ըստ Բեդրի Գյուլթեքինի՝ այդ թվերը ցույց են տալիս, որ Էրդողանին ընտրել է ընտրողների 37 տոկոսը, այսինքն Փերինչեքը նախագահ ընտրվելու հնարավորություն ունի։