Օտարերկրացիներն Իսպանիայում միլիոնավոր եվրոներ են թողնում, բայց Կատալոնիայում եւ Բասկերի երկրում որոշ երիտասարդներ տների պատերին գրում են՝ «Զբոսաշրջիկնե՛ր, տուն գնացեք», հաղորդում է BBC-ն:
Կատալոնացի ձախերի ներկայացուցիչը հայտարարել է, որ զբոսաշրջության գոյություն ունեցող մոդելը հանգեցնում է աշխատավոր դասի աղքատության խորացմանը: Բասկերի երկրում նրանց համախոհները մտադիր են օգոստոսի 17-ին շրջանի մայրաքաղաք Սան Սեբաստիանում զբոսաշրջության դեմ քայլերթ անցկացնել՝ բասկերի մշակույթի ավանդական Semana Grande փառատոնի ընթացքում, որը բազմաթիվ զբոսաշրջիկների է գրավում:
Անցյալ տարի Իսպանիա ռեկորդային թվով՝ 75.6 զբոսաշրջիկ է այցելել: Նրանցից 18 մլն-ը Կատալոնիա է այցելել: Զբոսաշրջիկների դեմ ուղղված վանդալիզմի դեպքեր են եղել Բարսելոնայում, Մայորկա կղզում, Սան Սեբաստիանում:
Մի քանի երիտասարդներ Բարսելոնայի մարզադաշտի հարեւանությամբ հարձակվել են զբոսաշրջիկների ավտոբուսի վրա: Ոչ ոք չի տուժել, բայց վանդալները վնասել են ավտոբուսը՝ վրան գրելով՝ «Զբոսաշրջությունը սպանում է ավանդական միկրոշրջանները»:
