General Motors կոնցեռնն աշխատանքի է ընդունել ՏՏ մասնագետներին, որոնք 2015 թվականին կոտրել են Jeep ավտոմեքենայի էլեկտրոնային համակարգը: Չարլի Միլլերն ու Քրիս Վալեյսիկը կզբաղվեն ինքնակառավարման համակարգ ունեցող մեքենաների կիբերանվտանգության հարցերով, գրում է Motor-ը:
Ըստ The Detroit News-ի՝ մասնագետները պատասխանատու են լինելու տարբեր ծրագրային ապահովման նախապատրաստմամբ, հետագայում նրանք կներառվեն GM-ի կիբերանվտանգության թիմում:
2015 թվականին Wired պարբերականի օգնությամբ Միլլերն ու Վալեյսիկը կարողացել են տանից դյուրակիր համակարգչի օգնությամբ կոտրել Jeep Cherokee-ն: Նրանք գտել են մեքենայի Uconnect մուլտիմեդիայի համակարգի խոցելի տեղերը:
Հետագայում FCA-ը 1.4 մլն մեքենա է հետ կանչել՝ սոֆթի խնդիրները վերացնելու համար: