Սաուդյան արքայազն Ալվալեդ բեն Թալալը շուրջ 800 մլն դոլար կներդնի Եգիպտոսում։ Եգիպտոսի ներդրումների նախարար Սահար Նասրը հայտնել է, որ միջոցներով կընդլայնվի Շարմ էլ Շեյխում Four Seasons հանգստավայրը՝ Talaat Moustafa Holding Group-ի հետ համագործակցությամբ, փոխանցում է Reuters-ը։
Միլիարդատեր Ալվալեդի ներդրումներով նաեւ ալ Ալմայնայում (քաղաք՝ Եգիպտոսի միջերկրածովյան ափին) երկու նոր հյուրանոց կկառուցվի։
Սաուդյան արքայազնը Եգիպտոսում շուրջ 40 հյուրանոցի եւ հանգստավայրի սեփականատերն է, որոնց կավելանան եւս 18-ը (դեռ կառուցվում են)։