Արեւային վահանակների արտադրությունը զարգացնելու հետ մեկտեղ՝ Ռուսաստանը դրանք ձեռնտու գնով կարող է առաջարկել Հայաստանին։ Այս մասին NEWS.am-ի թղթակցի հետ զրույցում ասաց Հայաստանում Ռուսաստանի առեւտրային ներկայացուցիչ Անդրեյ Բաբկոն։ 

Ռուսական կողմի ներկայացուցիչներն արդեն հանդիպել են Հայաստանի էներգետիկ ենթակառուցվածքների եւ բնական ռեսուրսների նախարարության ղեկավարության հետ։

«Հայ գնորդներին մենք պատրաստ ենք առաջարկել նաեւ մատչելի վարկային ռեսուրսներ՝ Ռուսական արտահանման-ներկրման բանկի եւ այլ կառույցների միջոցով»,- նկատեց նա։