ԱՄՆ-ում նկատել են մի մեքենա, որի ղեկին վարորդ չկար։ Բայց վարորդ, պարզվում է, մեքենայում կար, պարզապես նա թաքնվել էր նստատեղի տակ, հայտնում է Motor –ը։
«Անվարորդ» Ford մինիվենը տեսել են Վիրջինիա նահանգի Արլինգթոն քաղաքի փողոցներում։ Որոշ բնակիչներ կարծել են, թե ինքնակառավարվող մեքենա է փորձարկվում։
Երբ NBC –ի լրագրող Ադամ Թասսը մոտեցել է մեքենային, տեսել է նստատեղի տակից երեւացող ձեռքերը, որոնք բռնում էին ղեկը։
Հետագայում պարզվել է, որ դա Վիրջինիայի տրանսպորտային ինստիտուտի հետազոտության շրջանակում էր կազմակերպվել։ Այնտեղ հայտնել են, որ տվյալ մարդը որոշակի հանձնարարություն էր կատարում, բայց չեն մանրամասներ փորձի բովանդակությունը։
