Իրաքի Քուրդիստանի ինքնավար հատվածի առաջնորդ Մեսուդ Բարզանին անկախության հանրաքվեի հետ կապված հարցազրույց է տվել արաբական «Ալ Հայաթ» պարբերականին։
Քուրդիստանի ինքնավար հատվածի ղեկավարը նշել է, թե հանրաքվեն մեկ քայլ է դեպի անկախություն։ «Մենք պատերազմն չենք ուզում։ Մենք եղբայրության ու բարեկամության կոչ ենք անում։ Անկախության հանրաքվեի ամսաթիվն էլ Քուրդիստանի կուսակցություններն են որոշել։ Այլեւս հետդարձ չկա։ Հանրաքվեի հիմնական նպատակը նոր աղետների ու պատերազմների կանխարգելումն է»,-ասել է Մեսուդ Բարզանին։
Նշենք, որ Իրաքյան Քուրդիստանում 2017-ի սեպտեմբերի 25-ին անկախության հանարքվե է տեղի ունենալու։ Իրաքյան իշխանությունները դատապարտել են այս որոշումը։ Թուրքիան եւս անհանգստություն է հայտնել։