ՀՀ վարչապետ Կարեն Կարապետյանն այսօր՝ օգոստոսի 10-ին, հետաքրքրվել է ՀՀ տրանսպորտի, կապի եւ տեղեկատվական տեխնոլոգիաների նախարարի առաջին տեղակալ Գագիկ Գրիգորյանից՝ ինչու է Սեւանի մայրուղու շինարարությունն այդքան ձհգձգվում:
«Սեւանի մայրուղու վրա շինարարությունն ինչո՞ւ է այդքան ձգձգվում: Մի հատված կա ամառային այս թեժ ժամանակահատվածում, երբ կողքով անցնես շինարար չես տեսնում՝ ոչ առավոտյան, ոչ երեկոյան»,-հարցրել է նա:
Որին Գագիկ Գրիգորյանը պատասխանել է. «Պարոն վարչապետ, այնտեղ մենակ կամուրջին շինարարույթունն է հիմա, մյուս շինարարությունը նախատեսված է օգոստոսի 26-ից հետո սկսել: Կամրջի մի հատվածն արված է, մյուս կողմն էլ ավարտելու վիճակում է, բան չի մնացել»:
