113 տարեկանում կյանքից հեռացել է աշխարհի ամենածեր տղամարդը՝ Իսրայել Քրիստալը, որը պատանեկության տարիներին վերապրել է հոլոքոսթի սարսափները, հայտնում է i24news-ը։

Քրիստալը ծնվել է Լեհաստանում։ Երկրորդ համաշխարհային պատերազմի ժամանակ նրան՝ ընտանիքի հետ միասին մի համակենտրոնացման ճամբարից մյուսն են տեղափոխել։ Նրա երկու երեխաները զոհվել են ճամբարում։ Զոհվել է նաեւ նրա կինը։

1950-ին նա արտագաղթել է Իսրայել ու կյանքի վերջին տարիներն անցկացրել այնտեղ՝ երկրորդ ամուսնությունից ծնված իր երեխաների, թոռների ու ծոռների աջակցությամբ։

Քրիստալը սեպտեմբերի 15-ին կդառնար 114 տարեկան։