Վայոց ձորում արդեն 1 օրից ավելի շարունակվում է բռնկված խոշոր հրդեհի մարման աշխատանքները:
NEWS.am-ին ԱԻՆ-ից հայտնեցին, որ աշխատանքները շարունակվում են, դեռեւս հրդեհը չի մեկուսացվել: Այս պահի դրությամբ այրվում է շուրջ 450-500 հա տարածք:
Ավելի վաղ հայտնել էինք, որ Վայոց ձորի Արտավան համայնքի մոտ օգոստոսի 10-ի երեկոյան ժամը 7-ին խոտածածկ տարածքում բռնկվել է հրդեհ: Աշխատանքներին ներգրավված է 9 մարտական հաշվարկ եւ մոտ 500 մարդ: Հրշեջներին օգնում են ոստիկանական ուժերը, ՊՆ զինծառայողներ, մոտակա գյուղերի բնակիչները: Առաջին անգամ հրդեհը մարելու համար օգտագործվում են մոտակա ջրամբարի պաշարները եւ մասնավոր ընկերության ծանր տեխնիկան:
Աշխատանքները տեղում կառավարում են ԱԻ եւ բնապահպանության նախարարները, ներգրավված է ռազմաօդային ուժերի ուղղաթիռը: