Հայաստանի Գերագույն խորհրդի նախկին պատգամավոր Ազատ Արշակյանը ոչ մի նոր բան չի ակնկալում Հայաստանի ու Ադրբեջանի ԱԳ նախարարների հանդիպումից։ Իր կարծիքը նա արտահայտել է օգոստոսի 12-ին մամուլի ասուլիսի ժամանակ։ Հիշեցնենք, որ հանդիպումը ծրագրված է Նյու Յորքում սեպտեմբերին։

Իր ելույթը նախկին պատգամավորը սկսել է ԱԳՆ-ի հասցեին քննադատությունով։ «ԱԳՆ-ն, ըստ էության, թանկարժեք հաճույք է։ Ցանկացած երկիր, որը ձգտում է իր քաղաքականության առաջ մղմանն ու անվտանգության ապահովմանը, պետք է ուժեղ ԱԳՆ ունենա։ Ցավոք, Հայաստանի ԱԳՆ-ն այդպիսին չէ»,- համարում է Արշակյանը։

Նախկին պատգամավորի գնահատականով՝ այդ կառույցն ավելի շատ հիշեցնում է պրոտեժեների հավաքատեղի։ Կադրերի համալրման համակարգը նախկինում էլ է կոռումպացված եղել։ ԱԳՆ-ն թույլ է։ «Բայցեւայնպես դրա թեկուզ ոչ արդյունավետ աշխտանքը կարեւոր է։ Քանի որ ոչինչ փոխել պետք էլ չէ։ Ստատուս քվոն հարմար է»,- համարում է նախկին պատգամավորը, հավելելով, որ Արցախը հիմա ազատագրված է ու միացված Հայաստանից։

Նախկին պատգամավորը պատմական էքսկուրս կազմակերպեց, Հայաստանի ու Ղարաբաղի բաժանմանը նախորդող իրադարձություններն անվանելով ավազակային։ «Ոչինչ չպետք է փոխվի գալիք հանդիպման ժամանակ։Կարգավիճակի դիմաց տարածքներն անիմաստ է քննարկել»,- վստահեցրեց նախկին պատգամավորը։

Նրա խոսքով՝ դիվանագիտության մեջ կարելի է շատ խոսել ու ոչինչ չանել։ Զուգահեռաբար, նա հիացմունքով հիշեցրեց Ռուսաստանին Բալթյան երկրների, Ուկրաինայի, Միջին Ասիայի ու Հարավային Կովկասի ազդեցության ոլորտից դուրս մղելու՝ ԱՄՆ-ի մտադրությունը։  ԱԳՆ-ի վատ աշխատելու մասին հավաստիացման ու դրական արդյունքի՝ ստատուս քվոյի պահպանման միջեւ հակասությունն Արշակյանը բացատրեց հանգամանքների հաջող զուգադիպությամբ։

Նախագահների մակարդակով հնարավոր հանդիպման առթիվ նախկին պատգամավորը բարեհաճ արտահայտվեց։ «Հակառակորդին պետք է մոտիկից տեսնել ու, ինչպես Իվան Ահեղն էր ասում, նրա էությունը ճանաչել»,- հայտնեց Արշակյանը։ Նախկին պատգամավորը նույնիսկ նպատակահարմար համարեց հիշեցնել, որ ինքնորոշման միտումի հիմնադիրը ԱՄՆ-ն է եղել։ Քննադատության որոշակի մասնաբաժին բաժին ընկավ նաեւ նախագահներին ու ԵԱՀԿ ՄԽ համանախագահներին՝ այն կապակցությամբ, որ հասարակությունը տեղեկացված չէ բանակցային գործընթացի մանրամասների մասին։

Ընդ որում նախկին պատգամավորը շեշտեց, որ կողմը, որը փորձում է պատերազմ սկսել, կպատժվի։ Սակայն նա որեւէ բան չկանխատեսեց։ «Աշխարհում երեք անկանխատեսելի երկրներ կան՝ Հյուսիսային Կորեան, Ռուսաստանն ու Իրանը»։ «Իսկ բանակցությունները պետք է շարունակվեն։ Բայց այն շրջանակում, որը մեզ առաջարկոմ է ՄԽ-ն»,- նշեց նախկին պատգամավորը։