Ղազախստանի Տարազ քաղաքի բարձրաստիճան ոստիկանները փողոցում ծեծկռտուք են սկսել։ Տեղի ունեցածը տեսագրվել է մոտակայքում գտնվող ռեստորանի տեսախցիկով, որտեղ վեճից առաջ իրավապահները ոգելից խմիչք էին օգտագործել, հայտնում է Tengrinews.kz-ը։

Միջադեպը տեղի է ունեցել օգոստոսի 10-ին։ Վիճաբանության մասնակիցներին էին Բայզակի շրջանի բնակչության սպասարկման կենտրոնի ղեկավար Մ․Ժետպիսբաևը, Ժամբըլայի շրջանի ներքին գործերի բաժանմունքի քրեական ոստիկանության վարչության պետ Ե․ Բեկտուրգանովը ու ենթադրաբար՝ Ժամբըլայի շրջանի ծայրահեղականության դեմ պայքարի վարչության ղեկավար Մ․ Ումբետալիևը։

Հենց Ումբետալիևն է դանակով զինված եղել ու մի քանի վիրավորում է հասցրել իր գործընկերներին։ Համացանցում հրապարկված կադրերում երևում է, թե ինչպես է մուգ գույնի վերնաշապիկով տղամարդը հարձակվում ու երկու անգամ դանակով հարվածում իր հակառակորդներին։

Ժետպիսբարը, որը վիրավորվել էր կրծքի մասից, հիվանդանոց է տեղափոխվել, Բեկտուրգանովը, որին դանակով հարվածել էին ուսի ու կոնքի մասից, հրաժարվել է հոսպիտալիզացումից։ Իսկ կասկածյալի գտնվելու վայրը հայտնի չէ՝ նրան հիմա որոնում են։ Հարուցվել է քրեական գործ։