Չինաստանի Հունան նահանգում ամբարտակի փլուզման հետեւանքով տարհանվել են Յուզյան շրջանի գյուղերից մեկի ավելի քան 700 բնակիչները, հայտնում է «Սինհուան»։
Նշում են, որ ամբարտակը փլուզվել է տեւական հորդառատ անձրեւների ու դրանց հետեւանքով առաջացած սողանքների պատճառով։ Տեղի իշխանությունների տվյալներով՝ սողանքները խցանումներ են առաջացրել ամբարտակի ջրատարներում, իսկ ջրի ուժեղ հոսքի պատճառով ամբարտակի պատը քանդվել է։
Բնակավայրի տասնյակ տներ են ջրի տակ անցել։ Օպերատիվ տարհանման շնորհիվ զոհերից ու տուժածներից հաջողվել է խուսափել։