Ավստրիական Քլայն Սանկտ Պաուլ քաղաքում կատուն տերերին ժամանակին նախազգուշացրել է հրդեհի մասին, ինչի շնորհիվ նրանք հասցրել են փրկվել: Այս մասին գրում է Gazeta-ն՝ վկայակոչելով Heute պարբերականը:
Օգոստոսի 12-ի գիշերն անհայտ անձը հրդեհել է բազմաբնակարան շենքը: Սկզբում կրակը տարածվել է նկուղային հարկում:
Բնակարաններից մեկում ապրող կատուն զգացել է վտանգը: Նա արթնացրել է տիրուհուն, որը զգացել է ծխի հոտն ու արթնացրել մորն ու քրոջը: Կանայք արագորեն դուրս են եկել բնակարանից եւ հրշեջների կանչել: Վերջիններին հաջողվել է արագորեն մարել կրակը, եւ այն չի հասել բնակարաններին: