Երեւանում օգոստոսի 11-ին ուշ երեկոյան 2 երիտասարդ է դանակահարվել:
Ըստ ոստիկանության տարածած հաղորդագրության՝ օգոստոսի 11-ի կեսգիշերին եւ գիշերն անց ոստիկանության Արաբկիրի բաժնում ահազանգեր հնչեցին, որ կտրած-ծակած վերքերով հիվանդանոց բուժօգնության են տեղափոխվել 25-ամյա երկու երիտասարդներ:
Պարզվել է, որ նրանք օգոստոսի 11-ին ժամը 23:00-ին Եղվարդի խճուղում գտնվող բենզալցակայանի մոտ վիճաբանել են մի քանի անձանց հետ, որի ընթացքում վերջիններս իրենց մոտ եղած դանակով մարմնական վնասվածքներ են հասցրել երկու երիտասարդներին:
Ոստիկանները պարզել են դանակահարողների ինքնությունը եւ ներկայումս ձեռնարկվում են համապատասխան միջոցառումներ՝ նրանց հայտնաբերելու ուղղությամբ:
Նշանակվել են ԴԲՓ-ներ: Կատարվում է նախաքննություն:
