Օգոստոսի 15-ից Երեւանի «Զվարթնոց» օդանավակայանում կգործի Beeline-ի Վաճառքի եւ սպասարկման գրասենյակ:
Գրասենյակը գործելու է օդանավակայանի ժամանման սրահում՝ այն հատվածում, որտեղ ժամանող ուղեվորները ստանում են իրենց ուղեբեռը: Այն գործելու է շուրջօրյա եւ առանց ընդմիջումների: Օդանավակայանի նոր Վաճառքի եւ սպասարկման գրասենյակում հնարավոր կլինի ձեռք բերել հեռախոսահամար եւ լիցքավորել գործող համարի հաշիվը:
«Յուրաքանչյուր գրասենյակի բացումը մեզ ավելի ու ավելի է մոտեցնում մեր բաժանորդներին: Իսկ այս գրասենյակի նպատակն է, որ մեր սպասարկումը, պարզ եւ հարմար ծառայությունները հասանելի լինեն մարդկանց Հայաստան մուտք գործելու առաջին իսկ րոպեներից: Մեր ցանկությունն է, որպեսզի մեր բաժանորդները եւ մեր երկիր այցելող հյուրերը մշտապես կարողանան կապի մեջ մնալ իրենց դիմավորողների եւ, իհարկե, հարազատների հետ», - ասել է Հայաստանում Beeline-ի Գլխավոր տնօրեն Անդրեյ Պյատախինը:
Այսօրվա դրությամբ Հայաստանի տարածքում գործում է 76 սեփական եւ դիլերական Վաճառքի եւ սպասարկման գրասենյակ: Beeline-ի Վաճառքի եւ սպասարկման գրասենյակների հասցեների, ինչպես նաեւ աշխատանքային ժամերի մասին առավել մանրամասն տեղեկատվություն կարելի է ստանալ www.beeline.am կայքում:
