Մեծ Բրիտանիան Brexit-ից հետո Եվրամիությանը «ժամանակավոր մաքսային միություն» կառաջարկի։ BBC-ի փոխանցմամբ՝ այս մասին ասվում է կառավարության դիրքորոշումը ներկայացնող փաստաթղթում։
Մաքսային միության անդամ երկրները տուրքեր չեն վճարում (արտահանման ու ներկրման հարկեր) միության տարածքում ապրանքների ու ծառայությունների մատակարարներին։
Նրանք նաեւ հավասարեցնում են միության սահմաններից դուրս ներկրվող կամ արտահանվող ապրանքների ու ծառայությունների սակագները։
Կառավարության նոր փաստաթղթում ասվում է, որ 2019 թվականի մարտից, երբ կավարտվեն Brexit-ի շուջ բանակցությունները, առաջարկվում է «ժամանակավոր մաքսային միություն» հիմնել։ Դրա շրջանակում ԵՄ-ի հետ առեւտուրը կշարունակվի նախկին պայմաններով, բայց Լոնդոնը կարող է առեւտրային բանակցություններ սկսել ԵՄ-ի կազմում չգտնվող երկրների հետ, ինչը իրավունքը այժմ՝ լինելով ԵՄ-ի անդամ, չունի։
Ժամանակավոր մաքսային միության ժամանակաշրջանի ավարտվելուց հետո կամ ԵՄ-ի հետ նոր մաքսային սահման կսահմանվի, կամ կողմերի միջեւ նոր «գործընկերություն» կկնքվի՝ առանց մաքսային սահմանների։