Ֆրանսիայի նախագահ Էմանուել Մակրոնը դատական հայց է ներկայացրել լուսանկարչի դեմ, որը փորձել է առանձնատուն ներթափանցել, որտեղ պետության նախագահը կնոջ հետ վայելել է արձակուրդը։ Այս մասին հաղորդում է «ՌԻԱ Նովոստի»-ն՝ վկայակոչելով France Info պորտալը։
Անցյալ կիրակի լուսանկարիչը, որի աշխատավայրը չի նշվում, փորձել է ներթափանցել տարածք, որտեղ արձակուրդը անցկացնում է Մակրոնը։ Պարզվել է՝ ամառային արձակուրդների համար Ֆրանսիայի նախագահն ընտրել է հարավային Մարսել քաղաքը։
Հազվագյուտ լուսանկարներ ստանալու փորձը լուսանկարչի համար վերածվեց դատական հայցի՝ հետապնդման եւ մասնավոր կյանքի անձեռնամխելիության նկատմամբ ոտնձգության համար։