Իտալիայի հյուրանոցներից մեկի սպասուհին, համարում գտած ատրճանակը կրակայրիչի հետ շփոթելով, վիրավորել է գործընկերուհուն։ Այս մասին հաղորդում է «ՌԻԱ Նովոստի»-ն՝ վկայակոչելով իտալական լրատվամիջոցները։
Դժբախտ պատահարը տեղի է ունեցել չորս աստղանի ծովափնյա հյուրանոցում, Ռիմինիի մերձակայքում։ Համարը մաքրելիս երկու սպասուհիները գտել են ատրճանակը, որը նրանցից մեկը կրակայրիչի հետ է շփոթել։ Նա կատակով կրակել է գործընկերուհու ուղղությամբ։
Կինը հոսպիտալացվել է եւ վիրահատվել, նրա կյանքին վտանգ չի սպառնում։
Չգրանցված ատրճանակի սեփականտերը հյուրանոցի 42-ամյա կենվորն է եղել, որն այնտեղ հագստանում էր օգոստոսյան արձակուրդներին՝ կնոջ ու երեխաների հետ։ Նրան ձերբակալել են։