Mazda-ն ԱՄՆ-ում 80 հազար ավտոմեքենա է հետ կանչում Takata ֆիրմայի արտադրության անվտանգության բարձերի անսարքության պատճառով։ Այս մասին հայտնում է Associated Press-ը։
Ըստ գործակալության՝ հետկանչը տարածվում է 2007-2009 թթ, նաեւ 2012 թ․ թողարկված CX-7, CX-9 եւ Mazda 6 մոդելների վրա։
Takata ընկերությունը սկանդալի կենտրոնում է հայտնվել 2014-ին։ ԱՄՆ իշխանությունները պարզել են, որ ընկերության կողմից պատրաստված անվտանգության բարձերն անսարքության պատճառով վթարի ժամանակ կարող են սխալ բացվել եւ պայթել կամ էլ մեքենայում գտնվող մարդկանց վրա մետաղի կտորներ կրակել։ Այդ միջադեպերի պատճառով աշխարհում առնվազն 16 մարդ է զոհվել, ավելի քան 180-ը՝ տուժել։