Ամերիկացի հետազոտողները պարզել են, թե ամբողջ աշխարհում «Գահերի խաղի» երկրպագուներն ինչու են այս սերիալն այդքան շատ սիրում, հայտնում է Science Alert գիտական պորտալը:
Գիտնականներն անսովոր փորձ են անցկացրել. սերիալը դիտելիս երկրպագուները կրել են Apple Watch ժամացույցը, որը գրանցել է հետազոտության մասնակիցների սրտի ռիթմը՝ պարզելու համար, թե հատկապես որ տեսարաններն են նրանց ամենից շատ հուզում:
Պարզվել է, որ «Գահերի խաղի» հանրաճանաչության գլխավոր պատճառը հերոսների երկխոսություններն են:
Այսպիսով, մասնագետները պսակազերծել են այն առասպելը, որ միլիոնավոր հեռուստադիտողներին սերիալում գրավում են բռնության եւ էրոտիկայի տեսարանները: