«Խոսրովի անտառ» պետական արգելոցում անձրեւ է տեղացել, որը դեռ մինչեւ հիմա գալիս է, ինչը զգալիորեն նպաստել է հրդեհի մարմանը: Այս մասին հայտնել է Կովկասի բնության հիմնադրամի՝ CNF ազգային համակարգող Արման Վերմիշյանը:
Նրա խոսքով, ինքը քիչ առաջ խոսել է Վեդու «Խոսրովի անտառ» պետական արգելոց» ՊՈԱԿ-ի տնօրենի Հովակիմյանի հետ. «Նա աչքալուսանք տվեց, ասեց անձրևն եկել է, գալիս է, դրան գումարած էլ ՊՈԱԿ-ի աշխատողները, ԱԻՆ-ը, զինվորները- բոլորով միասին վերևում աշխատում են, որ վերջնականապես կրակի հարցերը լուծեն։ Ոնց որ կարող ենք մի պահ պաուզա տալ ու շնչել, որ հետո հետևանքների մասին մտածենք»: