Այսօր Հայաստանում 18 տեղամասերում հրդեհներ են փոթորկվում, իսկ դրանցից ամենախոշորը՝ «Խոսրովի արգելոցում»: Այս մասին օգոստոսի 16-ին՝ լրագրողների հետ հանդիպման ժամանակ ասաց բնապահպան, «Հանուն մարդկային կայուն զարգացման» ասոցիացիայի նախագահ Կարինե Դանիելյանը:
Բնապահպանի խոսքով՝ «Խոսրովի արգելոցը» ոչ միայն հանրապետական կամ նույնիսկ տարածաշրջանային նշանակություն ունի, այլ նաեւ միջազգային: «Որովհետեւ այն յուրահատուկ է իր լանդշաֆտի բազմազանությամբ՝ սկսած կիսաանապատից եւ վերջացրած անտառով: Մենք այն անտառ ենք անվանում, բայց այնտեղ միայն անտառ չէ: Նաեւ տեսակների քանակն է այնտեղ շատ»,- պարզաբանեց Դանիելյանը:
Փորձագետը նշեց, որ մինչ օրս «Խոսրովի արգելոցում» կա բարձորակ բույսերի 1800 տեսակ: Դրա հետ մեկտեղ, Հայաստանում ընդհանուր առմամբ կա մոտ բարձրորակ բույսերի 3500 տեսակ, իսկ «Խոսրովի արգելոցում» բնակվել են ինչպես մողեսներ, այնպես էլ խոզեր, աղվեսներ, արջեր: Աշխարհագրական գիտությունների դոկտորը հատուկ ընդգծեց, որ «Խոսրովի անտառում» նաեւ կենդանիների էնդեմիկ տեսակներ են բնակվում, որոնք անհետացման եզրին են: «Մեզ մոտ էնդեմիկ են համարվում եւ մեծ նշանակություն ունեն բեզոարյան այծերը եւ հայկական մուֆլոնը: Հենց «հայկական մուֆլոն» անվանումը վկայում է, որ այն միայն մեզ մոտ է տարածված»,- նշեց Կարինե Դանիելյանը:
Արգելոցի 30 հազար հեկտարից, Կարինե Դանիելյանի տեղեկություններով, հրդեհից տուժել է անտառի 10 տոկոսը: