Օգոստոսի 16-ին ժամը 17:30-ի դրությամբ հաջողվել է մարել մնացած 2.5 կմ պարագծում շարունակվող հրդեհի հիմնական օջախները: Ներկա պահին արգելոցում իրականացվում են հետմարման աշխատանքներ:
ՌԴ ԱԻՆ «ԻԼ-76» ինքնաթիռը շարունակում է օդային հրդեհաշիջման աշխատանքները՝ ստեղծելով անվտանգության գոտիներ եւ խոնավ միջավայր՝ օջախների կրկնակի բռնկումը բացառելու նպատակով:
Այս պահին Խոսրովի արգելոցի տարածքում անձրեւ չի տեղում, ՀՀ ԱԻՆ Հիդրոօդերեւութաբանության եւ մթնոլորտային երեւույթների վրա ակտիվ ներգործության ծառայության տվյալներով՝ անձրեւը սպասվում է ժամը 19:00-ից հետո:
Ինքնաթիռի հետագա թռիչքների եւ լայնածավալ աշխատանքների իրականացման վերաբերյալ որոշումը կկայացվի վաղն առավոտյան՝ հետախուզական տվյալների ուսումնասիրության արդյունքում:
