2017 թվականի օգոստոսի 15-ի հայ նշանավոր պետական, քաղաքական եւ ռազմական գործիչ Արամ Մանուկյանի հիշատակը հավերժացնող հուշարձան կոթողի նախագծի բաց մրցույթի հանձնաժողովի /ժուրիի/ կայացրած որոշմամբ առաջին մրցանակ չի տրվել: Առավելագույն ձայներ ստացած չորս աշխատանքներ արժանացնել են խրախուսական մրցանակների:
Երեւանի քաղաքապետարանից NEWS.am-ին հայտնում են, որ միաժամանակ ցանկալի վերջնական արդյունքի ակնկալիքով որոշվել է մրցութը երկարաձգել մինչեւ 2017 թվականի սեպտեմբերի 18-ը՝ հնարավորություն տալով այլ ստեղծագործողների մասնակցությանը:
Նախկինում հայտարարված մրցույթի պայմանները մնում են անփոփոխ:
Քաղաքապետարանից հայտնում են, որ մանրամասների համար կարելի է այցելել Երեւանի քաղաքապետարանի www. yerevan.am պաշտոնական կայքը:
Հուշաձանը պետք է մարմնավորի հայոց նորագույն պետականության հիմնադրի, պետական եւ հասարակական գործչի կերպարը, արտահայտի նրա ազգային- գաղափարական արժեքը:
Հուշարձանի տեղադրումը նախատեսվում է Արամի եւ Նալբանդյան փողոցների խաչմերուկին հարող տարածքում:
Առաջին մրցանակին արժանացած հեղինակը կամ հեղնակային խումբը ստանալու է հուշարձանը իրականացնելու իրավունք: Երկրորդ մրցանակը սահմանում է 1500 ԱՄՆ դոլարին համարժեք դրամ, իսկ երրորդը` 1000 ԱՄՆ դոլարին համարժեք:
