Վենեսուելայի անվտանգության ծառայությունները Ամասոնաս նահանգի բանտում գործողություն են իրականացրել։ Իշխանության ներկայացուցիչների հետ բախումների ընթացքում 37 դատապարտյալ է զոհվել։ Այս մասին հաղորդում է «ՌԻԱ Նովոստի»-ն՝ վկայակոչելով նահանգի նահանգապետին։
Նահանգի մայրաքաղաք Պուերտո Այակուչոյի բանտերից մեկում գործողությունը տեղի է ունեցել չորեքշաբթի գիշերը։ Քաղաքային խորհրդի անդամ Խոսե Մեխիասը հայտարարել է, որ իշխանութնյունները «փորձել են կրկին վերահսկողության տակ վերցնել բանտը, սակայն դատապարտյալները դիմադրել են»։
«Ջարդ է տեղի ունեցել», -ասել է նահանգապետ Լիբորիո Գարույան։
Վենեսուելայի անվտանգության ուժեր պարբերաբար գործողություններ են իրականացնում երկրի բանտերում, որտեղ հսկիչների թիվը քիչ է։ Նման շրջայցերի ընթացքում դատապարտյալների հետ բախվելու դեպքեր հաճախ են գրանցվում։