ԵԱՀԿ Մինսկի խմբի ամերիկացի համանախագահ Ռիչարդ Հոգլանդի հայտարարությունները վկայում են ԱՄՆ-ի ակտիվացման մասին։ Այս մասին, այսօր՝ օգոստոսի 17-ին, մամուլի ասուլիսի ժամանակ հայտարարեց «Մոդուս վիվենդի» վերլուծական կենտրոնի ղեկավար Արա Պապյանը։
Պապյանը հիշեցրեց, որ ԵԱՀԿ Մինսկի խումբը միակ հարթակն է, որտեղ ԱՄՆ-ն ու Ռուսաստանը համագործակցում են։ Նա ուշադրություն հրավիրեց Հոգլանդի վերջին հայտարարություններից մեկին, որտեղ ասվում է, թե միջնորդները միայն միջնորդներ են, իսկ որոշումը կողմերինն է։ Մեկ այլ հարցազրույցում միջնորդը խոսել է խաղաղապահ ուժերի եւ միջադեպերը հետաքննելու մեխանիզմների մասին։ Պապյանը նշեց, որ այդ մասն ավելի կարեւոր է։
