Ռուսաստանի դեմ պատժամիջոցները կազդեն Հայաստանի վրա։ Այս մասին օգոստոսի 17-ին մամուլի ասուլիսի ժամանակ հայտարարեց «Մոդուս վիվենդի» վերլուծական կենտրոնի ղեկավար Արա Պապյանը։
Հիշեցնենք, որ Հայաստանը ԵՏՄ կազմում է, եւ համապատասխան ազդեցությունն անխուսափելի է։ Խոսելով Չինաստանի եւ Իրանի հետ հարաբերությունների զարգացման մասին՝ Պապյանը հիշեցրեց, որ այդ առումով միայն Հայաստանը չպետք է որոշի, եթե նկատի ունենանք նշված անդամակցությունը ԵՏՄ-ին։ «Եվ հետո, Չինաստանի եւ Իրանի հետ հարաբերությունները զարգացնելու համար ԵՏՄ-ին անդամակցելու անհրաժեշտություն չկար։ Կարելի էր զարգացնել նաեւ առանց նրա»,-կարծում է Պապյանը։