Երեխաներին տեսակցելու պատճառով առաջացած վիճաբանության ժամանակ նախկին աներոջը դանակահարելու գործով նախաքննության ավարտ է հայտարարվել:
Դատական տեղեկատվական համակարգից տեղեկանում ենք, որ ըստ մեղադրանքի՝ Հենրիկ Մ.-ն մայիսի 31-ին ժամը 11:20-ի սահմաններում Երևանի Արտաշիսյան 48 շենքի բակում ընտանեկան հարցի շուրջ վիճաբանել է նախկին կնոջ հոր հետ: Վիճաբանության ընթացքում Հենրիկը դանակահարել է նախկին աներոջը:
Հենրիկ Մ.-ին մեղադրանք է առաջադրվել Քրեական օրենսգրքի 112-րդ հոդվածի 1-ին մասով: Նա կալանավորված է:
Ավելի վաղ դանակահարված տղամարդու բարեկամները NEWS.am-ի թղթակցին պատմել էին, որ նախկին փեսան աներոջը դանակահարել է երեխայի տեսակցության շուրջ ծագած վիճաբանության ժամանակ: