Հայաստանի կառավարությունը օգոստոսի 17-ին կայացած հերթական նիստի ժամանակ սահմանել է լրացուցիչ եկամտի հաշվարկի կարգը, որը էներգետիկ համակարգերում ստացվում է էլեկտրաէներգիայի վաճառքից։ Այդ էլեկտրաէներգիան, իր հերթին, արտադրվում է 2017 թվականին Սեւանա լճից բաց թողնված ջրի հաշվին, որը գերազանցում է 170 մլն խորանարդ մետրը։ Կառավարությունը էնեգետիկ ենթակառուցվածքների եւ բնական ռեսուրսների նախարարությանը թույլ է տվել արտաբյուջետային հաշվեհամար բացել։ 

Որոշման նախագիծը ներկայացրել է ՀՀ էներգետիկ ենթակառուցվածքների եւ բնական ռեսուրսների նախարար Աշոտ Մանուկյանը։ Նախարարի համաձայն՝ առաջարկված կարգը որոշում է եկամուտը հաշվարկելու ձեւը եւ ծախսերի մեխանիզմը։

Որոշումը կարգավորում է հաշվարկի եւ եկամուտը վճարելու հարաբերությունները, որը ստացվում է եկամտի տարբերությունից, ինչպես նաեւ «Միջազգային էներգետիկ կորպորացիա» ՍՊԸ-ի ու «Հայաստանի էլեկտրական ցանցեր» ՍՊԸ-ի ծախսերից՝ Սեւանա լճից թողարկված ջրից արտադրված էլեկտրաէներգիայի հաշվին։