Հայաստանը պետք է շեշտադրում կատարի Ադրբեջանի կողմից հայ խաղաղ բնակչության դեմ սպառազինության կիրառման խնդրի վրա: Այս մասին օգոստոսի 17-ին կայացած մամուլի ասուլիսի ժամանակ ասաց ՀՀՇ անդամ Հովհաննես Իգիթյանը:
Այս կապակցությամբ նա հիշեցրեց, որ միջնորդների եւ միջազգային հանրության ներկայացուցիչների բոլոր հայտարարությունները հանգում են նրան, որ հակամարտությունը պետք է կարգավորվի բացառապես խաղաղ ճանապարհով: «Սա տեղի է ունենում Ադրբեջանի գնած զենքի օգտագործման ֆոնին: Հայաստանը պետք է շեշտադրում կատարի այս հարցի վրա: Չէ՞ որ կարգավորման խաղաղ ճանապարհն առաջին հերթին ենթադրում է կողմերի սպառազինությունից հրաժարում: Ադրբեջանն այդ զենքը կիրառում է առաջին հերթին խաղաղ բնակչության դեմ»,- նշեց Իգիթյանը:
