Այսօր՝ օգոստոսի 17-ին, ժամը 11.39-ին ռուսական հրդեհաշիջող օդանավը «Խոսրովի անտառ» պետական արգելոցի տարածքում իրականացրել է 13-րդ թռիչքը դեպի Խոսրովի արգելոց:
Հայաստանի ԱԻՆ-ից NEWS.am-ին հայտնում են, որ այսօր առավոտյան ՀՀ ԱԻ նախարարության մասնագետների կողմից ՀՀ ՊՆ օդուժի ուղղաթիռով Խոսրովի անտառի պետական արգելոցի տարածքում իրականացրած հետախուզության արդյունքում, որոշում է կայացվել շարունակել «ԻԼ-76» հատուկ նշանակության ինքնաթիռի թռիչքները՝ հետմարման աշխատանքների իրականացման նպատակով:
Ժամը 10.00-ի սահմաններում ինքնաթիռն իրականացրել է 12-րդ թռիչքը: Խոսրովի արգելոցի տարածքում երեկոյան տեղացած անձրեւի կարճատեւության եւ ներկայումս անձրեւի բացակայության պատճառով, «ԻԼ-76»-ը խնդիր ունի անվտանգության գոտիներ եւ խոնավ միջավայր ապահովել առանձին հրդեհային օջախների շուրջ՝ դրանց կրկնակի բռնկումը բացառելու նպատակով: ՀՀ ԱԻՆ 42 փրկարար եւ 2 քաղաքացիական անձ շարունակում են ցամաքային հրդեհաշիջման աշխատանքները: